درجة قوة الباسوورد

Feb 20

Passwordsموضوع درجة قوة الباسوورد وايد يتكرر بالمواقع. هالمقالة تميزت بالصورة اللي حطوها و قلت انشرها.

من دراسة تتكلم عنها المقالة انه أشهر كلمات السر اللي عالأنترنت بالترتيب:

1. 123456
2. 12345
3. 123456789
4. Password
5. iloveyou
6. princess
7. rockyou
8. 1234567
9. 12345678
10. abc123

هالأيام الهكر صار عن طريق برامج تشتغل و تجرب من “بنك” كلمات سر عشوائية سهلة علما تضبط و تصيد حساب شخص معين. السالفة مو بصعوبة ايام اول شخص يجابل و يعابل و يتعب.

من جم شهر شفنا المصيبة اللي صارت حق آلاف المستخدمين المسيحيين المتدينين على مواقع الأنترنت لما شغلوا برنامج هكر على لستة يوزر نيمز ضخمة و جربوا تكون الكلمة السرية: Jesus.

طبعاً الآلاف تهكرت حساباتهم و لعبوا بمعلوماتهم و صارت فضايح و بلاوي سودة بالأنترنت.

اللي اشوفه من معارفي انه الغالبية يستخدمون ارقام تلفوناتهم حق الباسوورد، غلط!

أو تاريخ ميلادهم ، غلط!

أو يخلون الباسوورد 123 أو أي رقم متسلسل بسيط ، غلط غلط غلط!

باختصار اخترع لك باسوورد قوي حق مواقع الأنترنت ، و الأحسن طبعاً انك تستخدم أكثر من باسوورد واحد.

من الحركات اللي اعلمها حق الشباب انه يسوون الباسوورد مكتوب بكلمة عربية بس الكيبورد يكون يكتب انجليزي، مثلاً تكون الكلمة السرية “أنا أحب الفلافل” بس يوم الكيبورد يكون انجليزي يطلع معاك “hkh hpf hgtbtg” محد يصيد هالباسوورد لو شنو! إلا إذا العالم كله يدري انك تموت عالفلافل.

أحد المواقع المفيدة حق تكوين كلمة سر قوية هي: http://www.goodpassword.com/

فيه وايد اوبشنز تقدر تعدل منهم طول الباسوورد و نوعيته و خيارات ثانية اول مرة اشوفهم صراحة.

و اللي مبتلش عنده وايد كلمات سر حق وايد مواقع يقدر يستخدم برنامج تخزين كلمات سر ، اللي مر علي و عجبني ببساطته لي الحين هو: KeePass Password Safe.

برنامج مجاني و تقدرون تنزلونه من موقعهم.

و الله يبعد عن الجميع كل شر

3 Responses to “درجة قوة الباسوورد”

  1. يعطيك العافيه عزيزي عالمعلومات
    واحب انقل لكم نصيحة هكر لي بخصوص الباسورد ليكون أكثر صعوبة للاختراق
    وهو وضع (رقم صفر والفاصله اللي على اليمين بين الصفر والانتر)
    وضع الرمز في البداية ثم الباسورد المراد وضعه وايضا وضع الصفر والفاصله في نهاية الباسورد
    مثلاً
    0.theayman0.
    >> يقول يا رب يفهموا علي

  2. بالنسبة للبرنامج , كيف أضمن الباسورد ما يوصل عند مبرمج البرنامج ^_^

    • هذي صعبة، أكثر حل معقول انك تعتمد برامج الشركات الكبيرة أو المشهورة وبس،

      غير هذا محد يقدر يضمن لك إلا إذا كان عندك مبرمج فاضي يقعد يقرا لك سطر سطر من كل برنامج.

Leave a Reply

 
%d bloggers like this: