تكلم وعمره 6 أشهر، درس فيزيا وعمره 3 سنوات

Mar 02
Kim Ung-Yong
عبقرينو كوريا

كيم أونغ-يونغ نابغة من كوريا مواليد 3 مارس 1962. من أعلى الأشخاص اللي سجلوا باختبار درجة الذكاء IQ بالعالم و دش كتاب غينيس للأرقام القياسية.

ملخص سوالفه العجيبة كالتالي:

1- تكلم و عمره 6 اشهر.

2- بدا يتكلم بطلاقه و يسولف مع البشر و عمره سنه.

3- يوم كمل الثلاث سنوات كان يقدر يقرا اربع لغات: ياباني، كوري، ألماني، و انجليزي.

4- حل مسألة رياضية معقدة (advanced stochastic differential equation) و عمره اربع سنوات.

5- بعدها بفترة و بهالعمر الصغير طلع بقناة يابانية و أثبت انه يقدر يتكلم صيني، أسباني، فيتنامي، ألماني، انجليزي، ياباني، و كوري.

6- و هم بهالعمر الصغير كان يكتب الشعر و يرسم لوحات فنية.

7- دش جامعة Hanyang University و عمره ثلااااااااااااث سنوات كطالب فيزياء و قعد هناك حتى كمل عمره الست سنوات.

8- يوم صار عمره 7 سنوات أرسلوا له دعوة من NASA عشان يشتغل معاهم.

9- خلّص دراسته الجامعية و حصّل الدكتوراه بالفيزياء بجامعة كولورادو قبل لا يدش الـ16 سنة من عمره.

10- أثناء دراسته الجامعية كان يشتغل بأبحاث مع NASA.

الغريب انه مره وحده بسنة 1978م رجع كوريا (يعني عمره 16 بعد ما خلص دراسته و الدكتوراه). و يوم رجع دش جامعة عادية و قام يدرس هندسة مدنية.

طلع كلام من الناس انه صار فاشل و طاح سوقه خلاص، لأنه كان كأي طالب عادي.

و الحبيب ما اعترض و لا تكلم.

خلص الدكتوراه بالهندسة المدنية و صار مشهور بهالمجال و أصدر ما يقارب الـ90 بحث.

بعدين في مقابلة معاه تكلم عن سبب عودته و التحول اللي مر عليه و قال:

“I was not a loser, but I just wanted to live ordinarily”

المصدر: ويكيبيديا.

,   | 

12 Responses to “تكلم وعمره 6 أشهر، درس فيزيا وعمره 3 سنوات”

  1. الله اكبر

  2. شي عادي
    هذووله اهل الانجازات
    لا يبا اخوي كميل عيالنا ما يصلون للدرجه هذى

  3. محمد القحطاني Reply July 27, 2010 at 3:18 pm

    ااااااااف لو يعطيني وصله من عقله مو ربع او نص وصله ااااف لا اصير اذكا واحد بالسعوديه لكن وش نقول بس صدقوني ولدي بيطلع مثله

  4. درس فيزيا وعمره 3 سنوات !
    ما شاء الله .

  5. “I was not a loser, but I just wanted to live ordinarily”

    Well say :))

  6. ماشاااء الله !!!
    يؤ يؤ يؤ ختيير هذا الرياال
    لما كان عمره 3 سنوات درس فيزيا
    الحين نحن نهيس في كتبنا ولا نخوز عيونا عن المسأه الا وحلينها وهذا ما شاء الله حلها وهو صغيره

    لما صار عمره 16 خلص دكتوراه لااا خالص نحن بنعيز وبنخلص دكتوراه وبعدنا نطمح للبرفسوريه

    بس بعد انا مصره انه الشعب الخليجي خاصه والشعب العربي عامه قادر على مثل هذا بس يبي تحريك عقل

  7. العين حق !
    الظاهر أنظلوه هههه

  8. “I was not a loser, but I just wanted to live ordinarily”
    وش عقبه يا دافور خخ

Trackbacks/Pingbacks

  1. Tweets that mention تكلم وعمره 6 أشهر، درس فيزيا وعمره 3 سنوات | Kumail+ -- Topsy.com - January 11, 2011

    […] This post was mentioned on Twitter by heleen 25. heleen 25 said: RT @alfuraiji: تكلم وعمره 6 أشهر، درس فيزيا وعمره 3 سنوات http://t.co/lltpOj3 via […]

Leave a Reply

 
%d bloggers like this: