حيلة عقلية لتقليص الإحساس بالألم

Mar 17

Bush Covered Binoculars

الظاهر كان يحاول بس ما قدر

دراسة علمية أثبتت شي غريب مو مفسرينه بالتفصيل لي الحين بس المهم انه مفعوله صجي.

يقولكم يا طويلين العمر اللي عنده عوار بطرف من أطراف جسمه و يبي يخفف أذيته يقدر يقص على عقله و يخفف من العوار. شلون؟

اييب دربيل، إي دربيل اللي يطالعون فيه أماكن بعيدة، و يحطه بالمقلوب و يطالع الطرف اللي فيه العوار.

عشان يشوف الجزء المتعور مصغّر بالدربيل، يكون قزم يعني. لسبب من الأسباب اكتشفوا انه العوار راح يصغر مع صورة الجزء المصغّر بعينك.

يعني إذا يوم -لا سمح الله- عكفت ريلك و العوار ذابحك، ييب دربيل و طالع فيه مقلوب عشان تشوف الأشياء صغيرة و طالع ريلك المتعورة.

راح يخف العوار

السالفة صج مو قشمرة!

و الظاهر العكس صحيح، يعني إذا شفت ريلك كبيرة بالدربيل راح يزيد العوار فيها.

يقولّك عالأقل إذا متعور حيل و مو محصّل دربيل يمك عالأقل لا تطالع ريلك عشان لا تحس بالعوار أكثر ، يفرق معاك و راح تشوف.

جيكوا الرابط هني حق المقالة الأصلية و بتصدقون.

بيقوم سوق “الدرابيل” من ورا هالدراسة

, ,   | 

5 Responses to “حيلة عقلية لتقليص الإحساس بالألم”

  1. سامي الشمري Reply January 3, 2011 at 4:12 pm

    طيب اذا الوجع بصدري مثلا وما اقدر اشوفه بالدربيل ؟ اوقف قدام المرآة ؟

  2. خخخخخ طيب لو ظهري معورني بالحيل..شلوون الف على وراا؟؟

  3. وانا اقول ليه بوش يطالع الدربيل من ورا

  4. حلا من السعودية Reply March 26, 2011 at 1:28 am

    لول
    اساسا جسم الانسان كم هائل من الالغاز إلي ما حنحلها كلها إلا يوم الدين
    إعجاز رباني في كل إلي حواليك
    ما أقول إلا سبحان الله
    وبالعفل لما أشوف الجزء المتألم غير عن لما ما أشوفه
    يعافيك ربي كوووميل .

Leave a Reply

 
%d bloggers like this: