الفاكهة المعجزة
General+
06. Apr, 2010 @ 9:56 pm
3 Comments
الفاكهة المعجزة
تخيل تحط بحلجك دقوس و مرة وحده تشوف الطعم دونتس!!
شي غريب.
هذي فاكهة الظاهر انها تلخبط مستقبلات الطعم على لسانك، يعني مثلا الأجزاء اللي تستقبل الحلوى تترجمها أحماض. السبب يرجع لبروتين ميراكولن (miraculin).
الظاهر بامريكا يسوون مثل حفلات تدشها بفلوس بس عشان تجرب هالفاكهة ، رسوم دخول الحفلة بـ15 دولار يعني حوالي الخمس دنانير كويتي تقريبا و بس تدش يعطونك حبة تحطها بحلجك، بعدين تروح على بوفيه أجبان و فواكه.
باليابان مشهورة بين اللي فيهم سكر أو يتبعون ريجيم.
تحط حبه منها بحلجك بعدين بأسنانك تطلّع النواة و تخليها تقريباً دقيقة تدور بالفم عشان يبدي تأثيرها.
إذا كليت هالفاكهة تأثير تغير الطعم يستمر 15 إلى 60 دقيقة.
الوناسة بس بتغيير الطعم ، بس الفاكهة نفسها طعمها يوم تاكلها حلو على زيادة شوي و النواة فيها مرارة.
اكتشفوا “الفاكهة المعجزة” هذي بالقرن الثامن عشر بغرب أفريقيا، و قاموا يتاجرون فيها حق الدول الغربية بأسعار غالية لأنها تخترب بسرعة و تحتاج تبريد.
مو غريبة يكون سعر الحبه نسبياً غالي، بين دولارين إلى دولارين و نص، يعني حوالي الـ600 فلس كويتي.
اللي يبي يعرف أكثر يقدر يقرا التفاصيل من المصادر:
ويكيبيديا
نيويورك تايمز
من الداخل
صورة أخرى
لعبة كرة سلة إدماااان
فيديو: كوكا كولا يصير ثلج بحركة بسيطة
قصة البطل آكي را Aki Ra مع الألغام
اليوم يوم القفز العالمي
حيلة عقلية لتقليص الإحساس بالألم
Wain nelgaha hathi ?
http://lmgtfy.com/?q=order+Miracle+fruit
اييي مرا شفتها بأنمي كونان,,ومرا حبيتها ودي اجربها..
شكراً عالمعلومات