TinEye: ابحث عن صورة بصورة

Apr 25

TinEye.comمثلاً عندك صورة بس حجمها صغير وتبي مثلها ضبط بس حجم أكبر أو دقة أوضح،

تقدر تستخدم هالموقع وتبحث باستخدام الصورة اللي عندك عشان تلقى مثلها عالنت.

قبل جم يوم حطيت موضوع خلفيات سطح مكتب (الجزء الثالث)، من ضمن الصور اللي حطيتهم صورة اثنين يهال على Iron man و Hulk.

الصورة هذي أذكر اني لقيتها بموقع فليكر حق المصور صاحب الصورة الأصلية قبل سنة أو أكثر، بس الحين كلما دورت ما قدرت اطلع رابط صفحته.

قلت استخدم البحث المرئي باستخدام الصورة نفسها، تذكرت موقع TinEye وقلت خل اجرب حظي معاه.

هذي هي الصورة، وتقدرون تنزلون النسخة الصغيرة منها حق التجربة مع الموضوع:

Deadly Clash

دشيت الموقع: http://www.tineye.com/

بالخانة تحت Upload your image اضغط على Browse واختار الصورة من جهازك.

(إذا الصورة موجودة عالأنترنت بس حط رابطها بالخانة عاليمين)

بس تختار الصورة راح تنرفع عالموقع ويبدي البحث عنها عالأنترنت.

TinEye Results

نتائج البحث

دورت بالنتايج و لا ألقى اللي بغيته:

TinEye Results 2

تااااداااااااااا!!

إضغط على لنك فليكر وبيوديك صفحة فيها الصورة بألبوم، بعد ما ضغطت عليها لقيتها بالصفحة الأصلية حق المصور:

TinEye Results 3

الصفحة الأصلية

وبس قمت وحدّثت الموضوع بمصدر الصورة ولله الحمد

8 Responses to “TinEye: ابحث عن صورة بصورة”

  1. @@ !!!!
    جربته حددده قووووي هالموقع
    عقدني شلون يشتغل ؟؟؟

    • اللي اعرفه انه في لغة تقرا الصور الظاهر عن طريق البيكسلز، شكله مستخدمينها ويقارنون فيها القراءات الموجودة عالأنترنت عشان يحصلون أقرب شي حق الصورة اللي حطيتها.

      و الله أعلم!

  2. الصراحة بو حسن من اقوى المواقع الي حطيتها بموقعك ,شي موطبيعي . تصدق صار وياي موقف عجيب ويا هل موقع بس ما راح تصدقه

  3. موووضووع قووي صرااحة
    ياخي انت مدونتك كللش قويية

  4. موقع قوي صراحة ، أنا ما عرفته إلا من فترة ، كميل طلبتك اكتب عن قصة الرجل اللي انتشرت صورته فالنت من دون علمه و بتفهم قصدي وعلاقته بهالموقع

Trackbacks/Pingbacks

  1. شلون تلقى نفس الصورة اللي عندك بس حجم أكبر؟ | Kumail+ - November 29, 2011

    […] موضوع كتبته من قبل عن استخدام موقع TinEye بس للأسف الموقع هذا نتايجه محدوده وقليلة ما تحصّل فيه […]

  2. شلون تلقى نفس الصورة اللي عندك بس حجم أكبر؟ - November 29, 2011

    […] موضوع كتبته من قبل عن استخدام موقع TinEye بس للأسف الموقع هذا نتايجه محدوده وقليلة ما تحصّل فيه […]

Leave a Reply

 
%d bloggers like this: