عذاب ما قبل النوم :(

May 01

insomniaيصير لك مرات تكون منسدح بروحك عالمخدة وتفكر بكل شي؟ تفكر زيادة عن اللزوم؟ تفكر شقاعد تسوي بعمرك أو إذا في شي لازم تسويه باجر أو شي نسيت تسويه؟ و الغرفة هدووووء بس راسك لجة و انت تفكر. مرات تفكر بأشياء تستغرب شكو تفكر فيها، ومرات تفكر وتفكر بعدين تقول انا شلون وصلت حق هالسالفة وتقعد ساعة تفجج وتحاول ترد على السالفة اللي قبل وما تقدر. دوام، زوارات، محتار، مشاوير، أوراق، أكل، ربعك، سفر، نجرة،…الخ.

الحالة تصير أملق يوم في أشياء ما ودك تفكر فيها بس تلقى روحك رايح راد عليها مع انه هالأشياء تضيق الخلق. تقعد تقول ليش ما سويت جذي بدال جذي، وليش ما قلت جذي أو سكت عن هالشغلة، مرات تلقى روحك تفكر بموقف صارلك وتتنرفز حدك وتحس بدقات قلبك تكفخ حيل وودك تصوق واحد بوكس بويهه إذا شفته جدامك. بعدين مرة وحده تستوعب تقول شدعوة خلاص بنام شالفايدة الحين.

تقعد تعد الثواني وتتمنى تنام عشان كل هاللي براسك يختفي خلاص وتقلب الصفحة.

هالدقايق اللي تمر عليك وانت مغمض عينك قبل لا تنام أطول دقايق تحس فيها باليوم كله

,   | 

17 Responses to “عذاب ما قبل النوم :(”

  1. hawwen-ha wu t-hoon ya ekmayyil. wel 7al min ba3dhu :/

    3shan chethe ma a7u6 rasi 3ala el mukhada ella wana ghafi ba3ad-ha eb dgeegtain. le2aah etha ma sawait chethe at-thakar el ayyam el souda elli marrat eb 7ayati :<

    • شدعوة ما جربت، شكثر احاول ما اروح الفراش إلا يوم انا كلش دايخ ونايم إلا شوي.
      بس احط راسي عالمخدة أشوف النوم يطير من عيني ويبدي شريط التفكير يدور!

      الله يكون بالعون يمعود

  2. يا الله على وصفك ..

    من جد روعة، قلت اللي في خاطري

  3. بصراحه موضوعك و كلامك عسل يا عسل
    ماشاء الله عليك,, كلماتك سهله وقريبه عالقلب

  4. الاملق والابیخ من شذي يابو حسن لمن تحط راسك على المخدة او ما تييك النومة وانت ماتفكر بشي , على الاقل لمن تفكر بشي قول يقزر الوكت علما تييلك النومة ,بس اذا ما فيه شي تفكر فيه تتقلب يمين او يسار لمن تزهق و تحس ان الوكت ما قاعد يمشي.

    • لا يبه ما عندي مانع! خل نبادل يمعود!

      ما تفكر بشي احسن من الهم، حتى لو ما تنام بس لا تشغل نفسك بشي يصدعك.

  5. انا تييني هالحاله اذا كنت افكر بمشروع
    اقعد احسب ومادري شنو واتظايق لاني ابي انام بس ماقدر
    :/

  6. اي و الله صاجة

  7. في صميم الواقع الذي نعايشة
    موضوع رائع لكنه يتكلله اللغة العامية البحتة
    لو كان بالغة العربية افضل
    ودي

  8. انا أقولك الحل , ركز في صوت المكيف ورح تتفاجأ ان أهلك يصحوك اليوم الثاني

  9. اقرا الاذكار اخوي

Trackbacks/Pingbacks

  1. ليش نحب صوت المكيف القديم؟ | Kumail+ - May 5, 2010

    […] عالوضع ويخليك تنام أحلى نومة. يعني حتى موضوعي السابق (عذاب ما قبل النوم) المفروض تنحل مشكلته مع صوت المكيّف […]

  2. الصخونة تنرفز | Kumail+ - June 7, 2010

    […] تنسدح تبي تنام راسك لووووويييةةةةةةةة أكثر من (عذاب ما قبل النوم)، تقعد تتذكر أشياء مالها داعي ومرات تكون قديمة وغريبة […]

Leave a Reply

 
%d bloggers like this: