ملاحظة وتصويت حول صور Gallery+

Jul 30

اللي يضيفون موقعي بالقوقل ريدر راح تطلع معاهم كل المواضيع سواءاً المقالات أو الصور.

في ناس تبي تشوف المقالات بس، وفي ناس بس تبي الصور، هني الحل.

وبالمرة بغيت رايكم بخصوص الصور اللي احطها.

مع اني حطيت الملاحظة هذي بافتتاح قسم Gallery+ بس هم توصلني إيميلات تسأل عن الموضوع.

المقالات عادة بين موضوع إلى موضوعين باليوم،

الصور تقريبا 20 صورة باليوم.

اللي يبي بس يشوف المقالات من غير الصور بس يضيف الرابط هذا حق القوقل ريدر:

http://www.kumailplus.com/?feed=rss2&cat=-311

اللي يبي يشترك بس بقسم الصور من غير المقالات يقدر عن طريق هذا الرابط:

http://www.kumailplus.com/?feed=rss2&cat=311

______________

انزين الحين بخصوص التصويت، آخر فترة قمت استثقل أضيف هالكمية الكبيرة من الصور كل يوم،

يعني صاير ألزم روحي أضيف صور على مدار اليوم، بالأساس كنت مفكر أحط بس الصور اللي تعجبني حيل، سواءاً كانت تصاميم أو صور فوتوغرافية أو كاريكاتيرات أو كلمات.. الخ

وصراحة القسم مسوي حركة بالموقع بالأيام اللي ما احط مقالة، عالأقل اللي يتملل يقدر يشوف الصور.

هم قلت عشان اشوف إذا السالفة تسوه علي خل اخذ راي الجمهور بهالتصويت:

شرايكم بقسم الصور Gallery+ اللي بالموقع؟

- عرض النتائج -

Loading ... Loading ...
,   | 

5 Responses to “ملاحظة وتصويت حول صور Gallery+”

  1. أنا صوت لي
    حلو مافيه شي، خله بحاله**8**

    لكن عندي طلب لو سمحت
    انك اتخلي تصفح الصور أسرع و بطريقه مسليه أو مشوقه أكثر

    وشكرا

  2. تصويتي “حلو مافيه شي خله بحاله” :)

  3. الصور اللي تحطهـآآ

    مرآ مرآ مرآ مرآ

    حيلللوهـ

    واستمتع مرآ وانـآ اششوفهـآ لانهـآ منووعه

    اسستمر

  4. حلوة وايد الصور وكمان المدونة خلهم

  5. أشكرك أخ كميل +

    مافي سمبوسة بدون دقوس؟

Leave a Reply

 
%d bloggers like this: