شلون يشتغل سحّاب الملابس؟

Aug 30

مرات كنت أمسكه واقعد اخزه شلون الصوبين من السحاب يجتمعون ويتبطلون، وكان حلمي اشوف شنو داخل القطعة الحديدية اللي تخلي السحاب يشتغل.

أخيراً عرفت الجواب .

والجواب كله ملخص بهالصورتين المتحركتين، الأولى عملية التسكير والثانية فتح السحّاب:

ومرات يبوّش إذا ما ترتبوا الطرفين عدل وكان الـ”قفل” شوي راهي من الداخل يخلي الطرفين يمرون داخله من غير ما يصكرهم، إذا كان القفل أصلي ما راح يخلي السحّاب يتصكر إلا عدل أو يعلّق معاك ما يتحرك علما تمسك الطرفين وترتبهم.

90% من السحّابات في العالم يتم تصنيعها في اليابان من مجموعة شركات YKK (اختصار حق Yoshida Kōgyō Kabushikigaisha)، الشركة هذي مو شغلها بس سحّابات، عندهم حتى تصنيع آلات ومكاين وأدوات ربط، يقولون انها الشركة الأولى في صناعة سحّابات صديقة للبيئة من باب فلسفة إذا ساعدت الناس يتطورون راح يساعدونك، والظاهر صج الفلسفة شغالة معاهم عدل. عندهم مصانع متوزعة على 68 دولة حول العالم وعندهم حوالي 900 موظف، تأسست سنة 1934م.

باجي الـ10% من السحّابات يصنعونها بدول جنوب وشرق آسيا، خاصة الهند وباكستان.

ملاحظة سريعة/ إذا كانت حركة السحّاب شوي صعبة معاك جرب تمسح على طرفين السحّاب بشمعة، بعدين افتح وصكّر السحّاب جم مرة علما يصير خفيف

المصدر/ Wikipedia – Zipper

,   | 

8 Responses to “شلون يشتغل سحّاب الملابس؟”

  1. والله مدونتك وايد مفيده ما شاء الله, واعتبرها من افضل المدونات اللي اتابعها

    • شهادة اعتز فيها والله :modest: ودعواتكم الله يوفقّني عشان يصير عندي فلوس وايد واشتري YKK :tongue:

  2. كميل ايش الفرق بين الثلج الأبيض والشفاف ؟
    :D

  3. أشكرك أخ كميل +

    سمعت عن معلومه بخصوص السحاب
    يقال ان مكان القطعة الحديدية اللي تنسحب يختلف مكانها (يمين/يسار) اذا كان اللبس رجالي او نسائي
    ومادري اذا بس اديداس ولا الكل

    تحقق لنا يا كميل زائد

  4. والله وايد مفيدة هالمعلومات وخفيفة دم
    مشكورون

  5. انا اتعقد لما اشوف سحاب اذكر مره كان عندي فستان سهره مر عليه سنه قلت خني بقيسه وبالغصب دشيت فيه بعدني ماصكيت السحاب المهم ياااااااالله صكيته واللا ااااااااااهعععععععع واطالع اللا طرف جلدي طالع من فتحات السحاب وهو صاك اي

    وشكرا جزيلا بس حبيت اتشاركوني الالم هع هع كله من التجيز برقر بطل تحط صور عنه يالحبيب

Leave a Reply

 
%d bloggers like this: