شجرة العائلة لشركات المشروبات الغازية ومنتجاتهم

Aug 31

صورة ضخمة تبين كل شركة وشنو المشروبات الغازية والمنتجات اللي تملكها.

عيل ليبتون تبع بيبسي!

3 شركات بس يملكون 89% من سوق المشروبات الغازية في أمريكا كلها، وعالمياً ما اعتقد الفرق كبير عن هالنسبة.

لاحظوا الفرق بين حجم شركة كوكا كولا وشركة بيبسي، كوكاكولا وايد أكبر عالمياً بس بشكل عام معروف ان بيبسي محتلة سوق الشرق الأوسط، وحق اللي يقول بيبسي شركة إسرائيلية لي معاهم وقفة بعدين إذا لي خلق اكتب عن الموضوع، بس الحين راح اقول ان كوكاكولا محتلين سوق المشروبات الغازية بإسرائيل حسب دراسة قريتها من 3 سنوات.

سفن آب مثل ما تشوفون بالصورة مو تبع شركة بيبسي بس هالكلام فقط داخل أمريكا – يعني داخل أمريكا سفن آب ينباع تحت شركة Dr Pepper Snapple Group، خارج أمريكا بيبسي مشترين حقوق المنتج ويبيعونه بإسمهم عالمياً.

شوفوا سانكيست تبع أي شركة ما راح اقول وين عشان تحوسون بالصورة شوي نياهاهاهاهاهااا!

الصورة واااايددد كبيرة بالحجم حوالي 5 ميغا وشوي، ومساحة الصورة هم ضخمة راح تحرك الماوس يمين شمال وتحس روحك ضايع، بس صدقوني السالفة تستاهل.

ان شاء الله بعدين ان شفت لي مزاج راح اكتب شوي موضوع مفصل عن المشروبات الغازية واللي يبي يقترح شي لا يرده إلا الكيبورد

6 Responses to “شجرة العائلة لشركات المشروبات الغازية ومنتجاتهم”

  1. عاشوا كوكاكولا

    :)

  2. تبققت عيوني وانا ادور

    بعدها رحت للكي وعن طريق الالوان تتبعت إليييين حصلتها

    تابعه لـ

    dr pepper snapple group

    بس الغريب اول مره اسمع بهالشركة مع العلم انها كبيره وترتيبها الثالث مع الكوكاكولا والبيبسي

  3. طبعاً الكل راح يقول يسببون امراض والي يقول يخربون المعدة بس انا صارلي عشر سنين مااشرب مشروبات غازية يعني بيبسي وكوكولا وكل هذيل و لا شاي ولا قهوة بس اكتشفت من خمس سنين فيني كل امراض الجهاز الهضمي يعني تشرب ولا ماتشرب ماراح ينفع بشي بس الافضل اكل واشرب الي تبيه قبل لا يحوشك مرض بالمعدة وتتحسف واتمنى السلامة للجميع

  4. قمت ادور اللي احبهم
    الـريدبل 0.6% بس !!
    مو معقـولة
    الحين كل هالاوادم 7 ملايين شخص
    بالفيس بوك يحبونه و بس %0.6

    و الكندا دراي شركتين يسوونه
    سنكيست تبع بيبر
    اهم شي الليبتون تبع بيبسي !!
    و افتر راسي ولا لقيت الـcade
    و قواك اللـه :)

  5. ماشالله دايماً مواضيعك

  6. الكندا دراي طلع تابع شركة كرافت

Leave a Reply

 
%d bloggers like this: