حل لغز الصورة اللي فيها 12 شخص ويصيرون 13
Fun+, Media+
26. Oct, 2010 @ 12:59 pm
12 Comments
أول مرة شفت الصورة استخفيت وانا أحاول أصيد الحل، وانقهرت يوم دريت الحل مو بذيك البساطة.
الموضوع للأمانة كنت مفكر أضيفه من زمان بس نسيت عنه وما تذكرت علما وصلني السؤال من الأخ عبدالرحمن العثمان مشكوراً يقترح أتكلم عنه. وما قصر حط وايد روابط مفيدة في رسالته ما كنت شايفها قبل.
أول شي شوفوا الصورة وحسبوا جم واحد فيها، بعدين نطروا عليها 10 ثواني علما تتحرك وردوا حسبوا مرة ثانية شوفوا جم واحد صاروا:
شلون زاد العدد واحد بس بتحريك أجزاء الصورة؟! 
الحل مو بسهالة اني اقول “ترى هالشخص كان منخش هني” وتنصاد السالفة، الحل يبيله شوية مخمخه.
بأشد اختصار الحل: الشخص الإضافي يتكون من تجميع أجزاء من كل شخص بالصورة.
شخص ينقص من راسه شوي، وشوي من خصر واحد ثاني، وشوي من وجه واحد، وشوي من ريول واحد، والأجزاء تتحرك من شخص لي شخص إلى أن يتكون شخص إضافي يكون الثالث عشر في الصورة.
حدد شخصية في الصورة وركز عليها، شوف يوم تتغير الصورة شنو ينقص منه، ورد ركز على شخصية ثانية وثالثة ورابعة ليما أخير شي راح تلاحظ يوم تكون الصورة 12 شخص وتتحول 13 ينقص من الشخصية المحددة جزء معين ويروح مكان ثاني.
الكلام بروحه ما يدش الراس ذاك الزود، عاد عشان تقتنع أكثر تعال شوف هذي صورة تقارن بين الأشخاص في الحالتين:
وهذا خوش فلاش يشرح الموضوع، اسحب الدائرة وحرّكها وشوف شلون يتغير عدد الأشخاص وراح تفهم الحركة أكثر:
إذا أبي أشرح الموضوع بتفصيل شوي راح اقول كل شخص ينقص منه جزء بنسبة 1/12 وينتقل لشخص ثاني، والشخص الثاني هم يضيف الجزء من عنده على الجزء من الشخصية اللي قبله ويحوّلها على اللي بعده، …إلىىىىىى أن يصير عندك شخصية كاملة يديدة. من جذي يوم يكونون 12 الشخصيات تكون أطول بشكل واضح منهم يوم يكونون 13!
تفصيل الأجزاء اللي تتوزّع وتنتقل بين الصورتين:
الشعر: الشخصية رقم #1 – ينتقل إلى -> الشخصيتين رقم #1 و #8
الوجه: الشخصية رقم #4 – ينتقل إلى -> الشخصيتين رقم #4 و #11
الأذرع: الشخصية رقم #2 – ينتقل إلى -> الشخصيتين رقم #2 و #9
الجذع: الشخصية رقم #9 – ينتقل إلى -> الشخصيتين رقم #9 و #5
الخصر: الشخصية رقم #5 – ينتقل إلى -> الشخصيتين رقم #5 و #12
الأرجل: الشخصية رقم #12 – ينتقل إلى -> الشخصيتين رقم #7 و #12
الأقدام: الشخصية رقم #10 – ينتقل إلى -> الشخصيتين رقم #6 و #13
يعني كل شخصية قاعدة تنقل جزء منها وتشاركه مع شخصية ثانية عشان بالأخير تتجمّع الشخصية الإضافية رقم 13.
الحركة اللي تخلي استيعاب الخدعة صعب هو لخبطة ترتيب الشخصيات، ما حطهم بسطره وحده يم بعض، وزّعهم بشكل عشوائي يخليك تدوخ وانت تدور هذا وين راح وهذا من وين طلع 
.
هذا أبسط شرح أقدر أكتبه وإذا في أحد لي الحين مو مقتنع خل يسأل وين النقطة أو الملاحظة وان شاء الله أنا حاضر،
وإذا أحد عنده إضافة على الشرح بعد أحسن واحسن 
المصادر/
طريقة وجبات روبي تيوزدي
ساعة منبه "قنـبـلـيّـة"
حقيقة صور النمر اللي ترضع خنازير صغار (أعزكم الله)
الكويت تتأهل إلى نهائيات كأس آسيا!
اللي بيشتري لابتوب ومتحير أي ماركة ياخذ
يعيطك العافيه واخيرا عرفت شالفة هالصوره كنت اتنرفز احاول افججها بس عبالي السر بريولهم يعني مره تكون ريول ومره تصير راس الشخص 13 هههههههه
il salfa wayid im3aqida!! kilish ma fakart chithy!
Man this is just great , I was wondering
about that long time ago , didn’t got
a chance to look into it or try to
solve this , but very nice like your post
Thanks a lot bro
marron glace
shokran
الله يجزاك خير أخوي ..
معليش على التأخير في الرد , آآسف جداً
لكن مع كل هذا فهمت الطريقة
الحمد لله
اعذرني كل يوم أشوف الموضوع ومو عارف كيف أشكرك ولا أعبّر عن شعوري .. الله يبارك فيك وينفع بك
عندي شوية أسئلة لكني مو متذكرهم ألحين , إن شاء الله أراسلك إذا تذكرتهم
لكن وش أفضل طريقة أرسلك فيها الأسئلة (كونيكت مي) أو غيره ؟!
الله يخليك ويسلمك اخوي مشكور عالكلام الطيب تحرجني
ونعم تقدر ترسل الأسئلة على الكونتاكت مي ولا تحاتي
ههههههههههههه
والله حتى انا انهبلت
بس قلت سالفة الرؤوس والله
اتري اني ذكيا ^^ بثم الله علي بث
شكرا لك ع التوزييييح
بوووركت
مودتيـ (=
سبحـان الله ..
اليوم وصلتني رسالة على الأيميل عن لغزهم ,,
وكنت من قبل شايفتهم , بس اليوم لما شفتهم ثانيه تسائلت عن الحل !
وإذا بي ألقى الإجابة هاهنا على طبق من ذهب
كفيت ووفيت بالإجابة , يعطيك العافية
لإطفاء الفضول فينا ..
تحياتي ..
ذكرتني متحف
believe it or not ببريطانيا
عارضين فساتين عروس مصنووعه من الكلينيكس
تشكرات كميل افندم