من الغرائب: مسافر عبر الزمن في سنة 1928 وبالفيديو (تحديث: عرفنا الجواب!)

Oct 27

تسجيل فيديو لمشهد خلف الكواليس لأحد أفلام شارلي شابلن “السيرك” – The Circus سنة 1928م نشوف فيه وحده قاعدة تمشي وماسكة تلفون نقال طايحة له سوالف وهذرة.

هذا المقطع:

المقطع شوي يحيّر صج ومبين شكلها الإخت قاعدة تسولف. ناس قالوا يمكن تغطي عينها عن الشمس بس مو مقتنع.

اللي فكرت فيه أول لازم نتأكد المقطع صج من سنة 1928 مو شغل مونتاج وسوالف فاضية يقزرونها علينا، بس لي الحين ما تأكدت من شي.

بعدين اللي يحيرني أكثر إذا هذا صج تلفون نقال عيل مع منو قاعدة تسولف؟ مع ناس بزمنها بالمستقبل؟ وين أبراج الإرسال أيامها؟ ولا التلفون متطور لدرجة ما يحتاج أبراج إرسال؟

أكثر شي محيرني عن شنو يسولفون؟ أمووووت واعرررفففف عن شنووووووووو!!

يبونها تييب شغلة من البقالة؟ ولا تشتري رصيد تلفون؟ ولا تييب معاها كرتون طماط أيامها كان أرخص؟

شرايكم يا جماعة؟

المصدر/ MSNBC

—————————–
تحديث: كانت مسألة وقت علما قدروا يفسرون الموضوع تفسير منطقي

أثاري هالحجية ماسكة سماعات طبية ضخمة موديل سيمينز اللي طرحوها سنة 1924م، يعني أربع سنوات قبل تصوير المقطع المعروض. يقولون أول كانت السماعات شكلها مثلث وحجمه ضخم شوي

حتى لو كانت سماعات شكو قاعدة تتكلم ومع منو؟

الظاهر كانت تكلم الريّال اللي يمشي بسرعة جدامها وهي قاعدة تضبط السماعات على إذنها شكلها كانت تناديه عشان يعبرون الشارع أو تزفّه ليش ما يمسك إيدها يمشي نفس أيام الخطوبة والرومانسية

المصدر/ Gearlog

, , ,   | 

11 Responses to “من الغرائب: مسافر عبر الزمن في سنة 1928 وبالفيديو (تحديث: عرفنا الجواب!)”

  1. ولد جيرانا Reply October 27, 2010 at 8:51 am

    اكيداكيد انهم اخترعوه ايامها
    بس كانت الحكومه خاشته>فطين
    او انه فعلا من المسقبل
    او والله مادري بصراحه شي يشكك

  2. تباااااا
    في شي مخفي علينه طول هل سنين
    وانا اقول انولدت اب احسن جيل .. ايام التطور

    طلع كل شي موجود

  3. بوول شيت

    اتوقع اتوقع اتوقع
    انها موحدة موصاحية و تسولف مع نفسها و كانت تحك اذنها

  4. قاعده تعدل شعرها

  5. يمكن راديون :p يعني شايب

  6. والله اعلم انه مونتاج :) … لازم تشتري الفلم او تحمله عشان نعرف شنو الصج؟ “:)

    ما اضن انه صج .. اكيد مونتاج من واحد فاضي بالنت

  7. اعتقد انها من جماعة نيو و ترينيتي و نايوبي و مورفيوس جماعة الماتركس
    داخلين في مصفوفة ال1928 و قاعدة تسأل التحكم وين اقرب هاتف عشان تطلع من المصفوفة و ترد للسفينة

    ياخي قاعدة تتكلم صج و باحتراف
    لو مقهور تبي تعرف ايش تبربر
    تراها تسأل حد ثاني اشرايج بعروض فيفا سنة 2010 اللي قاعدة تصير

  8. لما شفت هالفيديو خرعني لأن شكلها بالفعل تتكلم بالنقال لا وتصارخ

    بل بعدين قلت يمكن مونتاج اخر من حركات اهل اليوتيوب خلصو من سالفة الاطباق الطائرة وسوو هالحركه

    بس الحين انا مقتنع انها تستخدم سماعه مكبره للصوت لأن شكلها تصارخ

    مشكور على هالبوست الحلو ياكميل

  9. تم حذف الفيديو من موقع youtube
    >>>
    تمت إزالة هذا الفيديو لانتهاكه سياسة YouTube ضد الرسائل غير المرغوب فيها والخداع والمحتوى الإعلاني المخادع.
    نعتذر عن ذلك.

  10. بالفعل هذه اللقطة اخذت ضجة كبيرة والاغرب انه في ناس كثير يعتقدوا انه بالفعل كانت ماسة هاتف جوال .

Trackbacks/Pingbacks

  1. Tweets that mention من الغرائب: مسافر عبر الزمن في سنة 1928 وبالفيديو | Kumail+ -- Topsy.com - October 27, 2010

    […] This post was mentioned on Twitter by Ahmed Hamouda, Kumail+. Kumail+ said: من الغرائب: مسافر عبر الزمن في سنة 1928 وبالفيديو http://bit.ly/9x6bLR […]

Leave a Reply

 
%d bloggers like this: