محطات مترو بس فن على فن

Jan 07

محطة قطار تحت الأرض (مترو) في السويد وما شاء الله شي عجيب، اللي يشوفها يقول أكيد كُميل مصممها.

ما عليه هاليومين مالي خلق أكتب موضوع وحبيت أحط شي خفيف، هذي صور لشبكة محطات قطار مينونة في السويد اسمها Stockholm Metro وبنوها بالأساس سنة 1941 وطوروها مع الوقت، حالياً فيها 47 محطة تحت الأرض و53 فوقها، يعني يصير 100 محطة يا شطاااار

المحطة تتعرض حق وايد عمليات للرسم على الحائط والقطارات من الفنانين الفاضين والإدارة يدفعون سنوياً حوالي 100 مليون كرونا سويدية (اسم عملتهم كرونا) لتنظيف الرسوم والشخابيط والحفاظ على صورة المحطات الفنية.

بعضهم يسمونه أطول معرض فني في العالم بس هالكلام مو دقيق إذا حسبنا محطات قطار موسكو الفنية في المعادلة.

المصادر/

Wikipedia

Entertainment Web

,   | 

10 Responses to “محطات مترو بس فن على فن”

  1. ابدااااااع والله
    انه صارلي يومين تقريبا وانه اتابع مدونتك ..
    روووعه الصراحه الي الامام

  2. إهو صج حلو …… بس يا اخي قمته يعني ما في إضاءه
    يعني بختصار يقمت القلب

    وبس هذا راي

  3. عجيب
    واايد منظم

    بس مادري ليش يخرع شوي

  4. عجيييييب
    والله عليهم إبداع
    بس ضحكت يوم دريت في ناس تشخبط على الطوف عندهم
    آثاري مو بس عندنا هههه

  5. خلف الله على شوارعنا لآ وزحمه بعد

    خطيره هالمحطات
    يعطيك العاااافيه

  6. يفتح النفس ، مشكور كُميل

  7. سلملي على سيتي باص

  8. المحطة رائعة بجد

    احس لو دخلت بضيع فيها هههههههههههه

Trackbacks/Pingbacks

  1. Tweets that mention محطات مترو بس فن على فن | Kumail+ -- Topsy.com - January 7, 2011

    […] This post was mentioned on Twitter by Rasha. Rasha said: RT @KumailPlus: محطات مترو بس فن على فن http://bit.ly/fyOq5A […]

  2. محطات مترو بس فن على فن - January 8, 2011

    […] Web هذا المقال أستخلص من مدونة Kumail+ ، ومن هنا يمكنك الإطلاع على المقال الأصلي tweetmeme_source = 'ArFeedz'; […]

Leave a Reply

 
%d bloggers like this: