أفضل ترتيب لمكونات صمونة الهمبرجر

General+ 14. Feb, 2011 @ 8:21 pm 9 Comments

Feb 14

تحط الخس فوق قطعة البرجر ولا الكتشب؟ ولا الطماط؟ والمايونيز وين يروح؟ .. البصل؟

ولا تغركم صور الوجبات في الدعايات، أغلبها يعتمدون على الشكل قبل الطعم ومو كلهم يطابقون الترتيب الحقيقي للوجبة، كل مرة ارد واقول عن موضوع الوجبات السريعة: بين صور الدعايات والحقيقة على نفس العنوان.

مثل أغلب الحالات في الأكل الترتيب يفرق على حسب الذوق الشخصي، بس في قواعد مشهورة وأغلب الناس تحبها مثل اللي تتبعها المطاعم السريعة وخاصة المشهور منها. عشان جذي تقدر تعتمد ترتيب همبرجر المطاعم السريعة مثل ماكدونالدز وبرجر كنج وهارديز وغيرهم، بس اللي يبي ياخذ فكرة شاملة أكثر بس يرجع حق هالصورة ويفك عمره، حاطين حتى المكونات على حسب نوع البرجر اللي تبي تسويه.

بعض الملاحظات السريعة:

كلما يكون الخس كرسبي أكثر كلما يكون أحسن، والمفروض تحطه في الصمونه وهو بارد إذا صار حار يذبل ويصير طعمه وأكله بايخ في حلجك.

استخدم طماط مستوي ناضج عدل، إذا حطيت طماط قديم شوي راح ينقّع الصمون أو قطعة البرجر ويخرّب بدال ما يضيف طعم.

الصمون اللي يستخدمونه في أغلب المطاعم السريعة يكون خاص مو مثل اللي نشتريه من الجمعية، لا تستخدم الصمون العادي جرب انواع ثانية أو حاول تشوف المخابز.

ماكو على برجر البيت، إذا تعرف تضبط خلطة البرجر راح يبط ماكدونالدز بططططط من الطعم والنظافة وحتى الريحة

ماااااكوووو على أكل البيت أبدددددد

هذي الإحصائية عن الهمبرجر والظاهر من البيانات الدراسة أمريكية

مع كتابة هالموضوع تذكرت تصميم سويته من قبل عن هموم الدنيا:

وأخيراً مجموعة خلفيات سطح مكتب متفرقة عن الهمبرجر

المصادر/

NY Times

burger, fast food, infographic, recipe |

حركة حلوة لإغلاق الأكياس

French Onion Soup

9 Responses to “أفضل ترتيب لمكونات صمونة الهمبرجر”

Ketty 14. Feb, 2011 @ 8:33 pm at 8:33 pm Reply

مدري ليش تذكرت حلقة سبونج بوب حقت ترتيب البرغر هههههه
يسلمووو مرة
A 14. Feb, 2011 @ 8:38 pm at 8:38 pm Reply

وش الحل شفت موضوعك وانا جوعانه
دايم اذا قلت همبرجر اختي تقول مو زين كنه
لحم خنزير وانتم بكرامه الأصح برجر

المهم من هذا يعطييييييك الف عافيه على طريقة الترتيب
k 14. Feb, 2011 @ 8:51 pm at 8:51 pm Reply

T____T الصور تدوووووخ
Altrk8 14. Feb, 2011 @ 9:45 pm at 9:45 pm Reply

يعت والله
بروح اطلب برغر كنج لوول
bent el deera 15. Feb, 2011 @ 1:55 pm at 1:55 pm Reply

الله
جد جد احس اني ببجي من كثر ما ودي اكل برغر
zo0ozah 23. Feb, 2011 @ 11:29 pm at 11:29 pm Reply

لاااااااااااااااااااا اناا ماتحمل والله لاقوم اسوي لاهلي الحين برجر الحين برب تسويه احلاشكل همبرجر
twitter @m3Fos 30. May, 2011 @ 7:37 pm at 7:37 pm Reply

يوعتنا كميل

تشكرات عزيزي

Trackbacks/Pingbacks

Tweets that mention أفضل ترتيب لمكونات صمونة الهمبرجر | Kumail+ -- Topsy.com - 14. Feb, 2011 @ 8:58 pm
[...] This post was mentioned on Twitter by Kumail+, Botamba. Botamba said: أفضل ترتيب لمكونات صمونة الهمبرجر: تحط الخس فوق قطعة البرجر ولا الكتشب؟ ولا الطماط؟ والمايونيز وين ي… @kumailplus http://bit.ly/flBnjI [...]