رسومات من سنة 1910 يتخيلون فيها سنة 2000

Feb 27

رسومات تاريخية من المكتبة الوطنية في فرنسا – The National Library of France تبين شلون كانوا يتصورون المستقبل، شوي كسروا خاطري.

الظاهر انهم من مجلة فرنسية اسمها Villemard.

1- مطافي جوي

 

2- مدارس متطورة، “يعصرون” الكتاب براسك

 

3- أجهزة متطورة لعمليات البناء

 

4- القطار الكهربائي من باريس فرنسا إلى بيجنغ الصين

 

5- سيارة-جوتي

 

6- الرسائل الصوتية تسمعها بالفونوغراف

 

7- حلاّق آلي

 

8- حمامات/صالونات الحريم

 

9- العشا والوجبات بس حبوب ماله داعي لويه وخبصة، كلش غلط، وناسة الأكل بخبصته ولويته

 

10- فريق الاستطلاع عندهم سياكل

 

11- المحادثات بالفيديو – video chat، هذي يابوها عاد

 

12- صراحة مادري شالسالفة هني، بس لقيت مكتوب Speak to the Caretaker

 

13- استخدام سيارات عسكرية متطورة في الحروب

 

14- “تسمع الجرايد بالصوت”، يعني نفس أخبار الراديو لول، بس هني مسوينه يعني صار كشخه ما تتعب عشان تقرا الأخبار بس تنسدح وتسمعهم والسيجار بإيدك.

 

15- هني مادري ليش مستغربين، يمكن يعني الحصان صار شي نادر، أو انهم يستغربون إذا قالوا لهم ان الحصان كان وسيلة من وسائل التنقل أيام أول

 

16- استخدام الراديوم (عنصر مشع) للتدفئة

 

17- خياط آلي، هذا ينفع الحريم أيام المناسبات والزحمة عالخياطين

 

18- سفينة جوية

 

19- مهرجان زهور جوي

 

20- سيارات تطير

 

21- عمليات الإنقاذ الجوية

 

22- شرطي جوي

 

23- الخفر الجوي

 

24- رالي طيارات

لاحظ شكثر عندهم التطور مرتبط بالجو والسما والطيران :) لي الحين عندنا هالتفكير ولو شوي أخف، هالأيام كلما المبنى يصعد السما أكثر كلما نعتبره وااااو وتطور وشي عجيب، ولي اليوم نتخيل السيارات اللي تطير ونحب خدمات الترفيه الجوي والفضاء.

المصادر/

Paleofuture

, ,   | 

21 Responses to “رسومات من سنة 1910 يتخيلون فيها سنة 2000”

  1. معظم الاشياء صارت بس بشكل مختلف
    احلى شي الحبوب ذكرتني بمسرحية الكويت سنة 2000

  2. hhhhhhh kanoo mamleen fena bs shklna 5ybna 9’nhm :D

  3. بصراحة لا أدري إلى أين سـ يوصلنا خيال الإنسان
    ومتى سـ يتوقف الإنسان عن الخيال
    الله العالم ..

    شكراً كُميل ..

  4. فصلت على رسمت الكتب

  5. ١٠٠/١٠٠ نسبه احتمال ان كل هذه الرسومات من شخص واحد

    متاكد انها من شخص واحد لان كل صوره تحتلف فكرتها عن الاخرى بغض النظر عن انه افكاره كلها بالجو :)

  6. تقريبا هذي الاشياء تطبقت بس بطريقه ثانيه…..بس تحسون ما عندهم ترفيه كلش

  7. عجيييبة الرسومات .. بس يحليلهم يعني كل هالتطور والآلااات اللي يفكرون فيها وما فكروا يغيرون الأزياء؟! مع إنها أول شي تغيرت لووووول.. يعني باخراع السيارة- الجوتي وحده لابسة نفنوف منفووووش وكاشخه وحالتها حالها وفجأة تكرفست <<جنه خيالي صار أوسع من خيالهم!؟لووووول

  8. سبحان الله
    وايد اشيا تخيلوها صارت بطريقه مختلفه بس
    صارت

  9. اكثر شئ حزني الصورة الثاني
    “مدارس متطورة، “يعصرون” الكتاب براسك”
    مافي فايدة ابدا مع هذا الجيل ولا اتوقع مع الجيال القادمة
    ؛)

  10. أغلبها قد تحققت و لو بأشكال مختلفة

  11. And they thought about all that but didn’t think the clothes would be different?=P

  12. ليومنا هذا نتمنى جهاز يعصر الكتاب بالمخ

  13. What about the fashion! they didn’t change it at all loooool..
    still there are something not reality like the the picture of the students, fire men flying! and more .. come on I cant see any development in those pics I only can see old minds misunderstantding the meaning of future developments..

  14. مبين انهم ما فكروا كثير في تطور الاتصال و التواصل
    رغم انه هذا اللي بالفعل تطورنا له الحين
    هالرسومات احبطتني لاني حسيت ان توقعاتنا الحين للمستقبل خطأ مثل ذولي!
    موضوع راااائع:)

  15. الراديوم كتدفئة هههه شبحان الله ماكانوا يدرون ان انه يسبب السرطان
    صج العلم اساس رقي البشرية

  16. سبحان الله ، فعلا بعضها تحقق وبعضها تجاوزوها بكثير ، مثلا الإطفاء الجوي ، صارت الآن بمروحيات .

    شكرا :)

  17. سبحان الله اشياء صدق صارت

Leave a Reply

 
%d bloggers like this: