صور مشروع البيت المحترق

May 22

شنو أهم الأغراض اللي راح تاخذها وياك إذا -لا سمح الله والشر عنكم بعيد- شبت النار في بيتكم؟

هذي صور الأغراض المهمة لبعض الناس العشوائيين.

فكرة الموضوع تشبه الصور اللي حطيتها قبل عن أغراض الناس الأساسية، بس الفرق هني حاسبين حساب أغلى ما عندهم. اللي فهمته انه سؤال افتراضي مو صج، يعني يسئلون واحد شنو راح تاخذ إذا بيتك شب نار وصاحب المشروع ياخذ الأغراض يصورهم.

بعض الأغراض صراحة غريبة بس سبحان الله الناس أجناس وألوان  كل تشكيله تلخص لك شخص كامل وشنو المهم عنده

بالموقع الأصلي للمشروع راح تلقون صور أكثر وتفصيل كل صوره وشنو فيها، هني راح اعرض بس بعض الصور اللي عجبوني.

1- هذي أغراض كاتبه اسمها كيت ماكلي، مجموعة مذكرات وشوية نباتات وقطوه

2- مصوره، أهم شي المقلا لول

البيت يشب نار والاخت رايحه المطبخ تنقذ مقلاتها

3- أغراض مصور، صناديق صور بولارويد قديمة ومفكرات صور واغراض شخصية.

4- عامل صيانه

5- أغراض كاتب اسمه ديفيد كوغينز

6- مصمم صناعي

7- فنانه

8- مساعد تنفيذ مشاريع

9- صاحب أعمال حره

10- وحده تحب تبيع ملابس قديمة

11- مصور

12- هذي أغراض وحده اسمها جينيفر بس لي الحينها الظاهر ما تشتغل، شكلها بتصير مصوره، بس شكو المفتاح الضخم هذا مادري

13- طالب تصميم جرافيكس

14- مصمم ومصور

15- الظاهر ما تشتغل بس تحب تطبخ وتصور وتكتب

16- مادري شفيهم مع المقلاه!

بس هذي عمرها 50 سنة يمكن ما نلومها لول

17- مصممه

 

الموقع الأصلي للمشروع على الرابط:

http://the-burning-house.com

أنا طبعاً أهم شي آخذ بدلة باتمان وحزامه ،

بعدين اللابتوب وبوكي واعواد تنظيف الأذن وريموت التلفزيون 

فكر انت شنو عزيز عليك في البيت وشنو بتضحي فيه؟

  | 

14 Responses to “صور مشروع البيت المحترق”

  1. ريموت التلفزيون ! طيب التلفزيون بتآخذه :P

    انا باخذ :
    جوال
    سماعات
    لابتوب
    وصلة الجوال
    شاحن لابتوب وجوال
    يو اس بي فلاش
    كمية كافية من الورق
    بوكي
    اقلام
    كتب

    باختصار شنطتي اليومية + كم كتاب

    • لا ما راح اخذ التلفزيون خل يولي شسوي فيه

      بس الريموت ضروري، مشكلة اذا قعدت جدام التلفزيون بدون الريموت :modest:

  2. اتوقع العرب ياخذون كل شي ويفلسون من كل شي
    عن نفسي
    بوكي
    الجواز
    والتلفون
    والباجي فدوه

  3. نفس التساؤال الريموت ليش؟
    (باخذ جنطتي لانها (جمعيه كل شيء مهم فيها
    +
    مبايلي
    + لابتوب

    و الاهم ما اطلع حافيه

    والباجي يتعوض ان شاءلله

    يكافينا و ياكم من كل شر

  4. ايفوني , قطوتي :* , كندر :O Schoco – Bons احبه

  5. راح اشيل:
    رووووووحي !!
    ^_^ إذا حريقة والله ما اشيل حاجة

  6. وانا أشوف الصور فيه سؤال يدور براسي: اشلوووون يمذيهم يلمون كل هالقش يعني كل هالأغراض؟

    انا عن نفسي باخذ سجادتي الصلاة وقرآني ويمكن فوني اذا لحقت عليه
    ونوت الذكريات

  7. جوالي
    ولابتوبي
    ودفتر مذكراتي
    وكتبي حقات الجامعه > مخططات وجاهزات والاختبارات ع الابواب ذذ
    هذا اذا ماهجيت وخليت الدرعى ترعى ذذ

  8. سبحان الله كلاآم السعه غير كلاآم الضيق

    أنا تعرضت لهالموقف واللي صار أول شي دوَرت

    عليه عباتي لبستها وأخذت شنطة موعشان شي

    بس لإن كان فيها فلوس

    ويوم نزلت وطلعت الشارع إكتشفت إني ما لبست

    جزمتي وإنتو بكرامه

    أهم شي الواحد ينجي بنفسة والباقي بيتعوض

    إن شاء الله

  9. حموووووود Reply May 25, 2011 at 6:58 pm

    هههههههههههههههه ما تلاحظون الاغلبية عندهم اشياء من شركة ابل

    وش سالفتك مع باتمان هههه

  10. ما أدري إذا تعرف في ناس تنقل مواضعيك مع تغييرات طفيفة جدًا على الكلمات, لزوم النقل !

    وطبعًا من دن ذكر المصدر !
    http://abofaiz2007.blogspot.com/2011/06/blog-post_2626.html

    عني أنا تضايقت إنهم ينقلون جهدك من دون ما يذكرون المصدر, وإن كان الموضوع قائم على صور منقولة أساسًا, بس المهم إنك أنت مشتغل عليه !

  11. المفروض يحددون وقت معين نجمع فيه اغراضنا
    مثلاً اجمع اهم شئ عندك خلال دقيقه او نص دقيقه

    شخصياً أهم شئ الشهادات
    اما الفلوس والاجهزة فما عندي لاني انسان فقراوي من يومي ^_^

  12. قد صارت ف بيت جدي وطلعو خالتي واخوي وجدتي وجدي واخذو العبايات وجزمهم وبسس اما الباقي راحح حتى اللاب ساحح:)وبطاقة الهوية والفلوسس

Leave a Reply

 
%d bloggers like this: