تصميم: مبارك عليكم الشهر – رمضان 1432هـ

Jul 31

بمناسبة الشهر الكريم سويت لكم خلفية سطح مكتب وبطاقة معايدة، مابي أحد يقولي عطنا قرقيعان ولا عيادي ترى هذا اللي عندي خلصت 

مبارك عليكم الشهر كلكم،

اللي يتابعني واللي ما يتابعني،

اللي يقرا مواضيعي واللي بس يطالع الصور،

اللي يكتب تعليقات واللي بس يتطمش ويطالع وهو عالصامت،

أقول للكل كل عام وانتوا بخير وعساكم من عواده 

خلفية سطح المكتب:

نسخة بطاقة المعايدة:

ملاحظة: ما عليه التصميم شوي حجمه كبير نطروا عليه ، وطبعاً ضغطوا عالصور للحجم الأصلي.

شرايكم فيني بس وانا أقحّص بالفوتوشوب؟ 

ترى انا دافنشي بس ما اقول حق احد 

 

22 Responses to “تصميم: مبارك عليكم الشهر – رمضان 1432هـ”

  1. واااااااو التصميم حده عجيب
    وألوانه مريحه وحلوه واااايد
    ما كنا ندري عندك هالموهبة ماشاء الله
    حطيتها خلفية عشان كل ما اشوفها ادعي لك :D
    الله يعطيك العافية كُميل ومبارك عليك الشهر

  2. ابداع وتم والحفظ

    ,, الله يبارك هالشهر علينا وعليك ويعطيك العافيه كميل
    شهادة حق ان هالمدونه اجابت على كثير اسئله في عقولنا

  3. مبارك عليك الشهر وصيام وقيام مقبول
    والتصميم ابدااع ماتوقعتك تعرف تصمم زي كذا
    امهم كتبنا هالتعليق علشان ماتقول نطالع ونطمش انت ما تدري وش يصير في قوقل ريد و غيره طبعا اتوقع ان التعليقات الخارجية اكثر بكثير من الموجوده قي الموقع

    دمتم باتمان وسوبر مان ئ

  4. وعلينا وعليك
    وكل عام وانت بخير

  5. مبارك عليك الشهر وعساك من عواده
    والتصميم جميل ولكن بالنسبة إلى شكل الهلال
    هل هو من تصميمك؟
    لأني بحثت كثيرا عن مصممه الأصلي ولم أجده
    وهذا الشكل مستخدم بكثرة في التصاميم الرمضانية.

  6. علينا و عليك حبيبي و كل عام و انت بخير..

    اهم شي بالتصميم الحقوق الي تحت..

    جد ضحكتني :D

  7. كل عام و انت بخير استاذ حجي كميل

  8. تصميم كميل . حقوق الطبع محفوظة ٢٠١١م واللي يبوق التصميم ما يستحي على ويهه

    انت شنو يا بو كمّال
    هههههه والله اللي يعجني بمواضيعك التعليقات الفكاهية

    وكل عام وانت بخير

  9. وانت بخير وصحة وسلامة، تصميم رائع وبطاقة جميلة.

  10. أبو شــرفـــــــــــ Reply August 1, 2011 at 9:04 am

    كل عام وأنت بخير
    الله يحفظك
    ويخليك ذخر لنا وللمدونين
    على فكرة الإنترنت من دونك مايسوى أفتحه
    بس والي يرحم والديك التصميم خليه لـ دافنشي ترا المونليزا أحلى من تصميمك

  11. علينا وعليك
    وعسى ربي يتقبل من ومنك صالح الاعمال

  12. kl 3am w ento b5eer ya rab w nshalla ayyamkon kella ramadan :)

  13. مبارك عليكم الشهر وكل عام وانت بخير :>

  14. تصميم
    رائع

  15. ما شاء الله
    طلعة موهبة في التصميم بعد
    واايد حلوين الخلفيات
    ومبارك عليك الشهر أخوي

  16. علينا و عليك
    تقبل الله اعمالكم :)
    ما شاءالله بكل شي مُبدع

    موفق ;)

  17. مبارك عليك الشهر اخوي كميل
    راح اقولك كلمتين واتمنى ماتزعل ويمكن كالعادة ماراح اترد بالاساس علينا :)
    انا دايم الاحظك تحارب الي ياخذون موضوع او صورة منك بدون ذكر المصدر بس انت بالمقابل الحين ماذكرت اسم الي صمم الهلال ولا اسم الي سوى الفونت ولا الي راسم المسجد الي بالصورة ولا النفوش الاسلامية
    صح انت جمعتهم بتصميم بس لهم مصدر
    انا مايهمني مصدرهم بس الي بوصلة سوي خير وقطة بحر وزكاة العلم تعليمة حتى لو ماذكرو اسمك كمصدر بس بالنهاية ربك يجزيك خير على نشر العلم
    نصيحة اعتبرها من اخوك ومحب ومتابع لموقعك
    طالع الي ياخذ موضوعك وينشرة بطريقة ثانية لانه قاعد اييبلك اجر
    اسف مقدما ولاتزعل لو ما يهمني امرك ماقلت هل كلام

    • علينا وعليك اخوي :)

      لا تحاتي يبه انا ما ازعل مني والطريج، والكلمتين عالعين والراس، وصج نادر ارد على المعقبين لأني من صج مو لاحق :( بس لما اشوف الوضع يحتاج وقفه امبله راح ارد

      بالنسبة لمحاربتي للي ياخذون مواضيع: انا ادري ان الحساب عند رب العالمين وان شاء الله يكتب لي أجره، بس انا قاعد احارب من باب ان بحركته وسرقته للموضوع المتعوب عليه راح اتحبط، خاصة للي ينسب المكتوب حق نفسه! المدونة كلها فاتحها على وناسة، الله يشهد حتى اعلانات لي الحين ما رضيت احط لأني مو مقتنع بالسالفة ولا أحب أعتبر اللي قاعد اسويه مجبور فيه وناس واقفين على راسي عشان اخلصه.

      من جذي احارب اللي يبوقون مواضيع، أما الصور اللي احطهم بقسم الصور أنا قلت وكررت اكثر من مرة وبأكثر من مكان اني ما ازعل من سرقتهم لأنهم مو حقي بالأساس، وحتى المنتديات والمواقع اللي اخذهم منهم هم ماخذينهم من مواقع ثانية وصعب تلقى المصدر! الله يشهد لما القى المصدر في حساب فليكر أو موقع مصمم أحطه، بس إذا ما لقيته طبعاً ما راح احط شي ولا راح ازعل لما واحد ثاني ينقل الصورة نفسها!

      بالنسبة للتصميم نفس الشي، والله العظيم ماعرف اللي كاتب المخطوطة، ولا اللي مسوي الهلال، ولا اللي راسم المسجد، إذا كنت اعرفهم صدقني كنت اذكرهم مثل ما اذكر غيرهم. انا ما ارضى حق غيري اللي ما ارضاه حق نفسي :(

      المدونة واااايد قاعده تاخذ من وقتي وانا راضي لأني مسويها على وناسة، بوق المواضيع قاعد يخرب هالوناسة ويخليني افكر السالفة ما تسوى علي، إذا تقول خلها عالحسنات والثواب راح اقول لك اروح اشتغل بلجنة خيرية احسن :/

      ماله داعي تعتذر اخوي وصدقني مو زعلان وانا متفهم كلامك عدل ومستوعب انك تقوله بحسن نية، و ياريت الحين تتفهم موقفي وبالعكس والله انا استانس لما اقرا الانتقاد المحترم

      • على راسي كميل
        واعيد واقولك زكاة العلم تعليمة وانت قاعد تكتب شغلاة علمية حتى لو كان اسلوبك يختلف وغشمرة بس اهو احلى ويوصل اسرع
        ولايقل عملك عن لجنة خيرية
        استمر حتى لو باقوك انت وموقعك والسرقة معناها عندك شي وثمين
        :)
        بس عاد اذيتنا بقوم اتفطر

  18. مبارك عليك الشهر

  19. خوش تصميم والله كميل، واهم شي بالتصميم الحقوق لوووول << هد التصميم كله وراح عالحقوق
    بس عندي سؤال يمكن لقافه شوي، انت ميكائيل ؟

Trackbacks/Pingbacks

  1. تصميم: مبارك عليكم الشهر – رمضان 1432هـ - August 1, 2011

    […] هذا المقال أستخلص من مدونة Kumail+ ، ومن هنا يمكنك الإطلاع على المقال الأصلي tweetmeme_source = 'ArFeedz'; […]

Leave a Reply

 
%d bloggers like this: