حقيقة صور النمر اللي ترضع خنازير صغار (أعزكم الله)
Media+
27. Jan, 2012 @ 10:46 pm
6 Comments
من سنين وانا اشوف صورهم بالايميلات والمنتديات يقولون امهم ماتت وقالوا نخلي النمره تربيهم وعشان يقصون عليها لبسوهم زي بشكل جلد النمر…
صج ولا شالسالفة؟
هذا موضوع سريع لأني تعبت من المواضيع الطويلة.
أول شي الصور المنتشرة:
الصور طبعاً حقيقية مافيها أي تلاعب بس اللي منتشر عن الصور غير صحيح 
.
هذي حديقة حيوانات خاصة بالنمور اسمها سريراشا – Sriracha Tiger Zoo في شنبوري، تايلند (بعض المنتديات شفتهم يقولون هذي حديقة حيوان في كاليفورنيا مادري ليش). الحديقة سوّت هالحركة عشان تجذب السياح وتبيّن ان أكثر الحيوانات وحشية ممكن تتعايش بسلام مع الحيوانات الأليفة، يعني السالفة ترفيهيه فقط لا غير.
لما انولدت النمره هذي في الأسر خلوها ترضع من خنزير –اعزكم الله- لمدة اربع شهور عشان تتعود عليها. نفس الشي هم يخلون النمره ترضّع الخنازير الصغار عشان تتعود عليهم، هذي حركة من إدارة الحديقة عشان الاثنين يتعودون على بعض من هم صغار ويستمرون ببرنامجهم الترفيهي للزوار.
يعني حتى بهالسالفة اللي مالها أي فايده ولا عايده هم نشوف التأليف والكذب اشتغلوا بساحة الايميلات السخيفة 
، على شنو مادري! أكثر شي خلاني اكتب هالموضوع القهر وانا اقرا تعليقات الناس يضحكون عالنمر ويقولون شوفوه الخبل قاصين عليه وما يدري عن عمره، والله الخبل اللي يصدق اي شي يوصله بالايميلات أو المنتديات ويصدقه ولا يفكر يتأكد منه. 
هذا هم فيديو من داخل الحديقة:
حديقة سريراشا هذي مو بس ترفيهية، هي بالأساس متخصصة بحماية النمور البنغالية الملكية وتكاثرها، سالفة الترفيه جانبية. بس يقولون سنة 2004 صار على الحديقة تحقيق انهم يبيعون بعض النمور ويصدرونهم للدول الخارجية وخاصة الصين عندهم طلب كبير على أعضاء النمر لاستخدامه لبعض الأغراض في الطب الشعبي.
المصادر/
أشجار الفلوس في المملكة المتحدة
عادي نستخدم العبوات البلاستيكية أكثر من مرة؟ أو نحطها في الثلاجة؟
لوحة إعلانات ذكية من ماكدونالدز
فيلم Monsters Inc. الجزء الثاني!
قصة رعب (His Face all Red)
مالهم داعي يسوون هالحركة .. يعني الخنزير شكله اعوذبالله .. شلون يرضعون النمر منه والعكس .. ماباقي الا يخلونهم يتزاوجون
الله يعطيك العافية على المعلومة
وينك والله فقدتك.. لا يكون صار فيك شي؟؟
حلو الله يعطيك العافية كُميل !
جد عجيبة هالناس اللي تفبرك الأحداث والقصص وتسوي أشياء جديدة !!
بس أبي أعرف كيف تفكر هالناس اللي تحب الكذب وتخترعه بهذي الطريقة !
أصحاب الحديقة ناس جد فاضية, يعني لو حيوان ثاني غير الخنزير .. يا الله أهم شي عرفنا حقيقة الموضوع
بتعليقات اليوتيوم يقولون انه النمر مسلم ما ياكل خنازير هههه