فيديو: أشعة شمسية مركّزة تذوّب حجر

Mar 06

كل مرة أستانس لما أشوف الجبن يذوب ويسيح داخل المايكروويف، بس لما تشوف برغي وصخره يذوبون هالإحساس يتضاعف!

هذي مرايا خاصة يصنعونها لتجميع أشعة الشمس وتركيزها بدرجة عالية تعطيك حرارة توصل أكثر من 3500 درجة سيليزية! 

لا والخبل بالفيديو يقرّب ايده من منطقة التركيز! 

المرايا هذي سهل صناعتها كمشروع منزلي بس طبعاً خطره جداً وما راح اعرض الطريقة عشان الناس ما تتهور وتجربها، مادري شسالفة شعوبنا ما يحبون العلوم إلا إذا كان فيها دم ونار وسوالف تخرّع لول

قمت افكر افتح خباز ايراني من غير تنور، بس احط لي مرايا من هذي واحذف العجينة بسرعة تمر عالنقطة المركزية وتصير خبزة مستوية جاهزه للأكل، الخبزة تستوي بجزء من الثانية!  يصير أسرع مخبز بالعالم!

لا بس صج عشان تعرفون شلون الطاقة الشمسية عندنا سهل استغلالها بس السياسة العالمية مو من صالحها تترك النفط، شغله قوية مثل هذي الواحد يقدر يسويها بالبيت ويستغل طاقتها الحرارية يبيّن شلون التكنولوجيا ناضجة بس السياسيين يهال 

, ,   | 

5 Responses to “فيديو: أشعة شمسية مركّزة تذوّب حجر”

  1. fatimah mohammad Reply March 7, 2012 at 4:00 am

    يا الله, عجــــيب جد وشذا السياسة الخايسة هذي اللي ما تستغل طاقة عظيمة مثل الطاقة الشمسية !

    هذا الشخص الـ مو صاحي, وقت اللي قرّب يده, كان قبل ما يحط الخشب, فيعني ما كان في تفاعل مني, بس يوم شفت الخشبة والبرغي لااااا جنون لو جاه شي !!

  2. أشكرك اخي الكريم كميل على هذا الموضوع الطيب أذكر مره حقدت على خالي و أنا صغير اخذت عدسة مكبرة و شريط اغاني كان يحب يسمعه دايماً و رحت للحوش و خربتة بنفس الطريقة

  3. لازم تعلمنا الطريقة يا مستر كُميل
    خصوصاً اني أحب الافكار هاذي

  4. موجوض جميل
    وكلامك بالنهاية هو الحقيقة المره للأسف

  5. مسلم مدني Reply June 22, 2014 at 2:09 am

    يمكنك استخدام عدسة فريسنل للتسخين إلى ٢٠٠٠ درجة مئوية

Leave a Reply

 
%d bloggers like this: