تجربتي لكاميرة Sony RX100

Oct 02

كنت متردد اخذ لي كاميرا سريعة (Point And Shoot) ولا احترافية (DSLR)،، بعد التدقيق والتمحيص والبحث اخذت هالكاميرا.

هاكم نتيجة تجربتي.

شكل الكاميرا (الصور مجمعهم من قوقل)

original (2)

original (3)sony-rx100OLYMPUS DIGITAL CAMERA         sony_rx100_top

Sony_Cybershot_DSC_RX100_35326410_01_620x433

OLYMPUS DIGITAL CAMERA

مواصفاتها

20.2 ميغا بيكسل
Exmor 1” CMOS sensor – extreme low-light shots
Bright F1.8 Carl Zeiss Vario-Sonnar T* lens with 3.6x zoom
P/A/S/M operating modes with smooth precise control ring
Record your photos as JPEG files, RAW files, or both
Full HD 1080/60p video w/manual control and dual record
Shoot in almost any lighting with clean high ISO 6400
Focus as fast as 0.13 seconds with high speed AF
Capture the decisive moment with up to 10fps continuous
3.0-inch Xtra Fine LCD display w/ bright whites & true blacks
Shoot blur-free with optical image stabilization
Auto portrait framing for beautifully composed photos
3.6x optical/7.2x Clear Image digital zoom
Built-in pop up flash

سعرها

شريتها أول ما وصلت الكويت بـ 230 دينار، بس قبل جم يوم رحت وكيل سوني اللي بالأفنيوز ولقيتها بـ220 دينار.

لما تشتريها يعطونك معاها كرت ذاكرة مساحته 4 غيغا و جنطة صغيرة للكاميرا.

بأمازون تحصلها بـ648 دولار أمريكي، يعني 182 دينار كويتي، بس كنت بسافر وما قدرت انطر توصلني من جذي خذيتها بالكويت

الحين بخصوص قصتي مع التصوير وليش اخترت هالكاميرا

أول شي لازم أوضح اني مو مصور متمكن ولا اعرف شي بالتصوير وحركاته وفنونه أكثر من اللي اقرا عنه بالمقالات والدروس السريعة. ما اعرف معاني وايد كلمات يقولونها بالتصوير ولا اعرف استخدامات وايد من الخيارات اللي يحطونها بالكاميرات هالأيام.

بس أحب أصور من باب الوناسة وعشان المناسبات مع الأهل ومرات للعبط 

كل مرة كنت اشتري كاميرا كنت اتأذى من بعض الأمور اللي راح اذكرها بعد عرض الكاميرات اللي جربتهم من قبل بالترتيب من الأقدم فالأحدث:

1- SONY DSC P10

DSC-P10_1116

2- Canon Powershot SD600

POWERSHOT_SD600_1_L

3- Casio Exilim S10

00722114-photo-casio-exilim-ex-s10

4- Canon Powershot SX200

powershotSX200

المشاكل مع هالكاميرات

المشكلة الأشهر مع كل هالكاميرات ان التصوير فيها داخل البيت Indoor أو الأماكن اللي فيها إضاء خافته Low Light كانت تعطيني صور فيها noise أو مثل الألوان مخربشه غير صافيه تخرّب الصورة كلها. زياده عليها هم وايد من الصور تطلع مهزوزه مع اني احاول كثر ما اقدر اني اثبت ايدي بس ماكو فايده :( وعشان نكون صريحين بالكويت أغلب الأوقات احنا داخل البيوت أو المطاعم والمجمعات أو المخيمات، ما عندنا جو يساعد عالتصوير بره إلا 10 أيام بالسنة. يعني كل الصور كانت حدها إحباط على طول إلا جم صورة تطلع بالغلط!

طبعاً عشان اتغلب على مشكلة الألوان noise أما للاهتزاز كان الحل الأمثل بكل الكاميرات المذكوره اني استخدم الفلاش، بس الفلاش بايخ ويخرب الصور 

بعد فترة لما تصور وتصور وتصور وتلقى النتيجة أغلب الوقت بايخه راح تمل وتقول شالفايده  وما تشيل الكاميرا خير شر، وهذا اللي صار معاي بالضبط.

من هني بس بديت افكر اخذ كاميرا احترافية DSLR عشان اتغلب على هالمشاكل، ولا انا دايما اتطنز على الناس اللي بس يشترون كاميرات احترافية ويقطون لهم آلاف الدنانير وما يفهمون شي بالتصوير ولا بالكاميرات، وتعال شوف صورهم الله يزيدها  شوي ويخلونك تشك بالكاميرات نفسها تقول مو معقوله هذا فاشل لهالدرجة يمكن الكاميرا مو شي  لووووول

وشكو عيل خذيت SONY اللي هي Point and Shoot مو احترافيه؟

بالصدفة عرفت عن كاميرة SONY RX100 اللي نزلت السوق بآخر شهر يوليو 2012 (يعني صارلها تقريباً شهرين بالسوق) وقعدت اقرا عنها بمدونات التصوير والمنتديات والمواقع الالكترونية وشفت فيديوات باليوتيوب خلال فترة توصل الشهر، كل مكان شفت وقريت عنها قالوا انها أقرب كاميرا Point and Shoot للكاميرات الاحترافية من ناحية الأداء.

أكثر شي شجعني فيها انها صغيرة، كنت ادري اذا خذيت كاميرا كبيرة مع عدسة الصور راح يكون أداءها عجيب بس شالفايدة إذا كنت اتعاجز أو أفتشل اشيلها معاي واستخدمها؟

النتيجة

مشكلة التصوير الداخلي Indoor والإضاءة الخفيفة انحلت وفعلاً الصور ولا أروع، وأيضاً مشكلة الاهتزاز راحت كلش، كل هذا وانا بس استخدم وضعية السوبر أوتو Super Auto اللي بس تصور واهو يضبط لك الإعدادات من روحه 

مرات لما كنت أصور يهال يلعبون كنت أتأذى يطلعون متحركين داخل الصورة، رحت وجربت الـ Scene Mode واخترت Anti Motion Blur من القائمة، بس بعدها طلعت الصور كلها تمام التمام.

والتصوير الليلي للمباني ولا أروع وبتشوفون بالأمثلة تحت.

أحلى من كل هذا اني لما أصور واستانس عالصور ما استثقل اشيلها معاي، وحجمها وايد عملي مقارنة بكاميرات الـDSLR وعدتها فأتشجع أكثر وأكثر.

اللي مثلي مو محترف للتصوير ويحب يصور على وناسة بس يبي نتيجة حلوة ومحترمه أنصحه بهالكاميرا بشده. 

من المزايا العجيبه ان الفلاش في الكاميرا ممكن تحريكه بزاوية! يعني تقدر تدز الفلاش لي ورا عشان تصير إضاءته أخف عاللقطة، عادي لما تصور فيه ما يبين في الصور انك مستخدم فلاش، يعني جذي:

sc101_flash_600x450

هذي بعض اللقطات اللي صورتها من غــيـــر فــــلاش، وبوضعية السوبر أوتو ومن غير أي تعديل عالصورة وألوانها:

IMG_081

IMG_080

هالصورتين معدل على ألوانهم عالسريع ببرنامج استعراض الصور بس طقيت على Autofix:

وتحياتي للجميع

14 Responses to “تجربتي لكاميرة Sony RX100”

  1. مبروك وايد حلوة الصور ماشاءالله :)

  2. ما شاء الله تبارك الله صورها رائعة .. كنت افكر اخذ كاميرا semi-professional
    علشان اخذ صور جيدة لمن اسافر .. لكن هذه الكاميرا شكلها رح تغير رأي :D http://www.kumailplus.com/wp-content/plugins/wp-monalisa/icons/kml_grin.gif

  3. مبروك على الكاميرا صورها ماشاء الله وايد حلوة

  4. والله موضوع جااء بوقته مرره
    شكرا اخوي علي مواضيعك الحلوه
    بس بسئلك اذا سمعت عن كاميرا سامسونج جالكسي وتتوقع اي وحده منهم افضل
    لاني مثل ماقلت متثيقله اخد احترافييه والسبب حجمها اللي يحسسك انك مصور احترافي والكل يطالعك

    • اي سمعت عنها وشفت بعض البوستات بمزاياها، مادري شخصياً ما اتوقع راح تكون بمستوى كاميرة سوني RX100.

      اتوقع بتكون احسن من كاميرة تلفون جالكسي بس مستواها مستوى الكاميرات الديجيتال العادية مو أكثر.

  5. مبروك الكاميرا :)
    الكاميرا هذي مواصفاتها جداً رائعة
    و ممكن تطلع فيها بصور خيالية ,, خصوصاً إذا كنت ناوي تتعلم التصوير والتحكم اليدوي في إعدادات الصورة اللي هو الوضع M
    و هو أكثر شئ يفرق عن الكاميرات الاحترافية بعد خاصية تغيير العدسات
    المهم نبي نشوف صور قوية من تصويرك بجاليري الصور مع تعليقاتك الكميلية عليها :)
    وهذي مجموعة بفلكر كلها من تصوير نفس الكاميرا
    http://www.flickr.com/groups/rx100/pool/

  6. كميل،، الصراحة الصورة ممتازة ومناسبة لاي واحد مبتدىء وما له بالتصويررصولات وجولات!

    كنت اشتي اشتري إحترافية..بس بعدما شفت الصور .. افكر مثل هذه الكامرا تؤدي المطلوب تمام.

    تسلم

  7. شسم اول مطعم بالصور مالتك او وين مكانه ؟؟

    • مطعم UNO في مجمع المطاعم اليديد بمشرف، أكله مش ولا بد صراحة بس أحب اروح له لأنه صخه ودايما هدوء.

  8. شريت الكامرة أول ما نزلت ..الكاميرة صغيرة و سهل تحطها في جيبك.. ودقتها قوية جداً.. اختيارك كان موفق يا كميل

  9. صراحة الصور جميلة جدا انوي اقتنا واحدة

  10. مشكور آخوي من زمان كان ودي بكاميرا مثل مواصفات هذي جد انقذتني مشكور ربي يسعدك.

Trackbacks/Pingbacks

  1. تجربتي لكاميرة Sony RX100 « Blogs Updates - October 2, 2012

    […] Kumail+ Share this:Facebook   No Comments […]

Leave a Reply

 
%d bloggers like this: