ماركات النظارات الشمسية شغل حرامية
General+
28. Jul, 2010 @ 5:47 pm
5 Comments
النظارات الشمسية ماركة Oakley، وBulgari، Burberry، Chanel، D&G، Dolce&Gabbana، DKNY، Polo Ralph Lauren، Prada، Tiffany، وغيرهم ماركات عالمية وايد، كلهم من صناعة شركة وحده!
شركة نظارات إيطالية متخصصة اسمها لوزوتيكا – Luxottica هي أكبر شركة نظارات في العالم، من أشهر الماركات الخاصة بهذي الشركة نظارات Ray-Ban و Oakley. طبعاً تصنع العدسات والإطارات وتتعاقد مع الماركات المشهورة عشان تسوي إطارات بتصميم معين وحصري لهم فقط، قائمة الماركات اللي متعاقدة مع هذي الشركة:
Anne Klein
Brooks Brothers
Bulgari
Burberry
Chanel
Chaps
Club Monaco
D&G
Dolce&Gabbana
DKNY
Donna Karan eyewear
Miu Miu
Polo Ralph Lauren
Prada
Ralph Lauren Purple Label
Salvatore Ferragamo
Tiffany
Tory Burch
Versace
Versus
الشركة هذي هي بنفسها تسوي تصاميم النظارات، بعدين يصنعونها، ويسوقونها بالعالم 
يعني الماركة بس تعطيهم فلوس ويحطون ريل على ريل يقولون إي ولا لأ!
زين شنو الفرق بين النظارات اللي أسعارها ما تقل عن الـ80 أو 100 دينار كويتي والنظارات الرخيصة اللي أسعارها قريب من الـ10 دنانير؟
من ناحية الجودة ماكو فرق كبير، يمكن ثلاث أرباع السعر اللي تدفعه بس عشان اسم الماركة اللي على الإطار 
أو شكل الإطار يكون “funky” على قولتهم 
الإطارات غالباً كلها بلاستك وشوية معدن وديكور، شي رخيص مستحيل يوصل سعره بهالنسبة العالية.
… يعني حتى ما تحمي العين أكثر؟
لااااع 
النظارة اللي تشتريها بـ30 دينار واللي تشتريها بـ100 نفس الشي بالنسبة حق العين، أصلاً تكنولوجيا صناعة العدسات اللي تحمي العين من الأشعة فوق البنفسجية صارت رخيصة (بغض النظر عن العدسات الـpolarized) ما راح تبرر هالأسعار الخيالية أبد.
حتى بعض النظارات اللي شكلها عادي ونلقاها ببعض الصيدليات أو عند المحاسبين بالمحلات التجارية (دبنهامز، مركز سلطان، مارك سبنسر..الخ) تأدي الغرض بنفس الدرجة اللي تأديها النظارات الغالية 
في الختام أقول،
يعيش الرخص 
يعيش يعيش يعيش!
المصادر/
Wall Street Journal – Are Designer Sunglasses Worth the Price?
نقلاً عن Lifehacker – Buy Cheap Sunglasses Without Sacrificing Quality
حل لغز حجز الفندق والدينار الضايع
اليوم يوم القفز العالمي
فيديو هوشة Iron Man ضد Bruce Lee!
الدول الأفضل في مختلف المجالات
خداع بصري مو طبييعي (التنين)
Ya3eesh ya3eesh Ya3eesh :p
Wallah ga9een 3leena
على حد علمي في فرق و مميزات بين النظارات ..
في البداية أنوه على أن النظارات الشمسية تسبب ضرر أكبر للعين من عدم ارتداءها و السبب أنك لما تلبس النظارة يظلم المكان بالنسبة للعين فتتوسع القرنية مما يسمح لدخول أشعة أكثر إليها ..
لكن هذا ينطبق على بعض أنواع النظارات خصوصا الرخيصة و غير معتمدة من شركات متخصصة ,فالبقية مزودة بنظام حماية آمن.
طبعا كون نظارة بـ 10 أو 30 لا أظن أنه يعني بالضرورة أنها غير مزودة بالمعايير..
هذا و الله أعلم
بييييييييييييه هونت اشتري نظاره غاليه يديده للعيد
بروح اليوم لكليرز
عندهم خوش نظارات على دينار ونص
اختلف بالراي معاك يا صديقي الجميل بنسبة بسيطة لان في نظارات رخيصة تكون بلاستيك وهذا مع حرارة الشمي ( طبعا احنا عندنا سوبر شمس)فمضرة بمعنى نظريتك للناس اللي فيها حرارة الشمس طبيعية يعني))