شالفرق بين بريطانيا وإنجلترا والمملكة المتحدة؟
General+
29. Jul, 2010 @ 4:48 pm
9 Comments
مرات كنت أكتب مواضيع واختار أي واحد من الثلاثة عالمزاج، هذي من الأخطاء الشائعة وايد مو منتبهين ان الفرق كبير بين التسميات الثلاثة.
رسمياً إسمها دولة (المملكة المتحدة لبريطانيا العظمى وإيرلندا الشمالية)، وتتكون من أربع دول متحدة: إنجلترا، واسكتلندا، وويلز، وايرلندا الشمالية.
هذي صورتين يبينون الفرق بالأسامي وحتى الأعلام حق كل جزء، الظاهر مسوين الصورة حق الأمريكان يقولون دايما يغلطون بالتسميات مثلنا 
إنجلترا = إنجلترا فقط
بريطانيا = إنجلترا + ويلز + اسكتلندا
والمملكة المتحدة = انجلترا + ويلز + اسكتلندا + ايرلندا الشمالية،
أو نقدر نقول بريطانيا + ايرلندا = المملكة المتحدة
وبهذي الخريطة تشوفون إيرلندا، بس الجزء الشمالي منها (اللي بالرمادي) يتبع المملكة المتحدة. والجزء الأخضر محد يسميه ايرلندا الجنوبية، بس جمهورية ايرلندا وبس.
زين دام انجلترا هي بس جزء من المملكة المتحدة شكو المنتخب داش كاس العالم بعلم انجلترا الخاص؟
منتخب إنجلترا يمثّل بس إنجلترا مو المملكة المتحدة ككل، كل جزء من المملكة المتحدة له منتخبه الخاص اللي يتنافس فيه بالبطولات العالمية بصورة رسمية بموافقة الفيفا، إلا اللهم بالألعاب الأولمبية ممنوعين من تمثيل روحهم بصورة مستقلة.
أدري وايد يعرفون هالمعلومة بس مو الكل يتابعون كرة، انا واحد من هالناس اللي معلوماتهم الكروية محدودة 
اللي يبي يتفلسف أكثر عاد خل يقعد ويتمقل بهاللوحة على راحته، فيها شرح أكثر عن التسميات الأخرى حق بريطانيا:
المصادر/
شلون تتغير الوجوه مع اختلاف بعدك عن الشاشة؟
صورة أبيض و أسود تتحول ملونة
شلون تكرر روحك بالصورة؟
علامة مثلث الأسهم اللي داخلها رقم، شنو معناها؟
Text 2.0: ثورة تكنولوجية في القراءة
بوست جدا مفيد
شكرا لك
حياك الله اخوي فهد
انزين بالنسبة للحكم ؟
والعمله والعادات والقوانين و و و و و إلخ …
والله عمري ما عرفت انه في فرق, شكراً لك
معلومة جديدة اول مرة اعرف عنها ..
I didn’t know that before
thank you for this great post
shukran kteeeeeer for the information
you are welcome